Sacrosanctae et individuae Trinitati, crucifixi Domini nostri Iesu Christi humanitati, beatissimae et gloriosissimae semperque Virginis Mariae fecundae integritati, et omnium Sanctorum universitati sit sempiterna laus, honor, virtus, et gloria, ab omni creatura, nobisque remissio omnium peccatorum, per infinita saecula saeculorum. Amen.
V. Beata viscera Mariae Virginis, quae portaverunt aeterni Patris filium.
R. Et beata ubera, quae lactaverunt Christum Dominum.
Pater.
Ave.
Oremus.
O clementissime Iesu, gratias ago tibi ex toto corde meo. Propitius esto mihi vilissimo peccatori. Ego hanc actionem offero divino Cordi tuo emendandam atque perficiendam, ad laudem et gloriam sanctissimi nominis tui et beatissimae Matris tuae, ad salutem animae meae totiusque Ecclesiae tuae. Amen.
